نوم أبو الهول يشغل النشطاء ,, الأرض تتجهز لحدث عظيم

حرية – (15/5/2022)

تصدر هاشتاج “أبو الهول” تريند مصر على تويتر، وخاصة بعد تداول صور تظهر أبو الهول مغمض العينين فيما عٌرف بـ”نوم أبو الهول”، الأمر الذي تفاعل معه نشطاء مواقع التواصل الاجتماعي، البعض سخر من ذلك قائلين “صاحي من 7000 سنة ولما غفل شوية تعملوا كدا”، فيما أبدي البعض تخوف من تصديق البعض لزعم إغلاق عين أبو الهول، مؤكدين أن المصدقين لهذا الزعم سيكونوا أول من يصدقون المسيح الدجال.
فيما ربط البعض بين إغماض عين أبو الهول، وحدوث أمر جلل قد يقع على الأرض، فائلين ” الأرض فعلا تتجهز لحدث عظيم” 

نوم أبو الهول

قال محمد زكي “ابو الهول بعد 7000 سنة جاي ينام دلوقتي”
أما الكوتش عمار فقال ” #ابو_الهول كان فاتح عيونه من زمان وسنين طويله واليوم غمض عينه وللحين مش عارفين السبب او كيف صارت”
وعلق أحمد عماد قائلًا: ” حتي #ابو_الهول الناس مسبتهوووش  فحاله لما قرر يريح عينه شويه من تعب ٧٠٠٠ سنه”
فيك أكونت “هو مش فوتوشوب لا دا تأثير الإضاءة لو تلاحظي اول صورة الشمس جايه في وش ابو الهول عامله كونتراست عالي الصوره التانيه الشمس جايه من علي يمينه خالقه ظل ف الكونتراست ضايع مش اكتر”

مطبق 7000 سنة

ورد حسام متولي قائلًا: ” يعنى #ابو_الهول مطبق ليه 7000 سنة ولما فكر ياخدله غفوة الدنيا تقوم كده”
وأضاف مصطفى حسين قائلًا: “احنا مش هناخد غلوة في ايد المسيح الدجال! ايه حاجه تتقالنا بنصدقها فٓ ما بالك بحدث جلل زي ان واحد يحيي الموتى ويأمر السماء أن تمطر ف تمطر! هنصدق أن ابو الهول غمض عينيه وهنكدب اللي بيحيي الموتى! #ابو_الهول”
وقال مينا بوب “عدلي القيعي: ابو الهول اغلق عينية يا استاذ ابراهيم حتي؛ لا يرا الظلم الذي يتعرض له النادي الأهلي من الكاف واتحاد الكرة.. مبروووك للنادي #الأهلي ومن قلبي والله”

وعلق خالد الشربيني قائلًا: “اذا اغلق ابو الهول عيناه الاثنتين فاليهرع كل جنود الفرعون الى المخابيء ولا يعودون ابدا فإن رع سيعود وسيفنى البشر. نقش فرعوني عثر عليه العالم الموزمبيقي “جون كلوت فان جوخ” عام ١٩٠٨م مكتوب على جدران معبد التعاون في الطالبية فيصل”

تنشيط السياحة

ورد آدم ” طيب بدل الهرى ال ملوش لازمة تعالوا نعمل زيارة ل #ابو_الهول واثارنا الجميلة من ناحيه نطمن عليه ومن ناحيه تانيه ننشط السياحه الداخلية والتسويق الخارجي”
وعلق محمد عبسلام قائلًا: ” في واحد كاتب اني الناس اللي صدقت ابو الهول انه غمض وكدا دول اول ناس هتمشي وراء المسيخ الدجال”

وقالت زوزا هشام “معلش اي كمية الناس اللي مصدقة ان أبو  الهول ممكن يغمض عينه”
وعلقت إيمان عدنان قائلة: “الموضوع دة هيزود السياحة فى مصر.. كله هييجى يتفرج على ابو الهول وهو نايم”
أما آية أشرف فقالت: “الناس علي تويتر فاكرة ان ابو الهول من علامات قيام الساعه”
وسخرت آمال موليما ” #ابو_الهول.. غمض انتم عارفين لو كانوا الفراعنة يعرفوا ان احنا هنكون احفادهم مكنش حد فيهم ضرب مفك ف هرم”

مش ناقصين رعب

وقالت سهر حمزة “قوم يا أبو الهول بالله عليك مش ناقصين رعب اللي فينا مكفي والله”
أما ماريا محمد فعلقت قائلة: “امسكوا الناس اللي مصدقين إن أبو الهول غمض عينه عشان دول في المستقبل هيبقوا أول ناس هتصدق الراجل أبو عين واحدة”

فيما قالت جهاد إسماعيل “ابو الهول غمض عنيه ازاي يعني احنا  هنموت ولا ايه”
وعبر شريف أيمن عن مخاوفه قائلًا: “لما بيحصل كده عادتا بيحصل حرب نووية.. بيقولوا ان فيه حاجة غريبة جدًا حصلت النهاردة.. أن أبو الهُول النهاردة الصُبح ودون أيّ تدخُل لعمليات ترميم أو تأثير بشري، التقطت له صور عديدة النهاردة من شخصيات كتير ظهر فيها ابو الهول ان “عينه مغمضة” على عكس المُعتاد والطبيعي له.. وواضح من الصور أن عيونه مقفولة وكأنه “نايم”  في ناس بتقول انها اشارة لقُرب حدوث أمرٍ ما..  ومحدش عارف هو هيفضل نايم كدا ع طول ولا هيصحي تاني..”

الأرض تتهيأ لأمر جلل

وقال مدحت حامد “حينما يُغمض إدريس عيناه، ويعود يحيى ليضرب بيداه الأرض قائلًا أنا الشاهد ستُفتح البوابات السبع وليحمل كل منا جمرته في مواجهة الشرير” المقولة دي مكتوبه علي جدار من جدران ابو الهول باللغه الهيروغليفيه إن كان هذا الظاهرة صحيحة إذن الأرض تتهيأ لأمر عظيم وقيادة مصر للعالم #هنا_كنانة_الله_في_الارض #تحيا_جمهورية_مصر_العظمى”

وعلق سامح أبو عرايس قائلًا: “الأرض فعلا تتجهز لحدث عظيم.. ومصر ستصبح مركز حكم العالم ومن العاصمة الإدارية تحديدا.. لذلك ستلاحظ أن أغلب منشآتها مصممة على نمط رموز الحضارة المصرية القديمة وحتى قصر الحكم مصمم على هيئة أجنحة إيزيس ومفتاح الحياة العنخ رمز الإله حورس.. وستجد المسلات والرموز المصرية القديمة في كل مكان في مصر حاليا.. لكن هذه الأسرار الماورائية لا يدركها كثيرون”أول تعليق من المجلس الأعلى للآثار على ظهور تمثال أبو الهول نائمًاحكاية زيارة سريعة لشيرين أبو عاقلة في مصر.. الشهيدة “عربون محبة” بين مصر وقطر.. وخلّدت صورتها مع تمثال أبو الهول بجملة “مفيش في جمالك”

أما محمد العفيفي فعلق قائلًا: “هو أكيد اللي شاف أبو الهول مغمض عينه مطبق بقاله كتير ونفسه ينام.. عشان في ناس صدقت فعلًا فقولت أوضح حاجة بسيطة.. أبو الهول مواجه للجهة الشرقية، ووقت التصوير كان بعد ما الشمس عدت خط الزوال (خط الزوال خط سماوي وهمي بيمر من الشمال للجنوب، والشمس بتتحرك في مسارها الظاهري في السماء من الشرق مرورًا بالجنوب ثم الغرب، وده بنسميه دائرة البروج، ونقطة زوال الشمس بتكون وقتها أشعة الشمس عمودية وبنكون في وقت الظهر، وبمجرد ما بيبدأ مركز الشمس يتحرك بعيد عن خط الزوال بيحين وقت صلاة الظهر) فإذا كانت الشمس مواجهة لأبو الهول واتحركت لنقطة الزوال هتكون تفاصيل وش أبو الهول وعينه واضحه بسبب أشعة الشمس، أما إذا تخطت نقطة الزوال هيبدأ يظهر ظل على وشه وعينه وتكون أشعة الشمس مأثرة على الجزء الخلفي المواجه للجهة الجنوبية – الجنوبية الغربية… وقت التصوير غالبًا كانت الشمس بعيدة عن خط الزوال بحوالي 35 درجة، يعني تقريبًا قبل العصر، فطبيعي هيظهر ظل على جزء من وشه خصوصًا عينه والتفاصيل متكونش واضحة.. نايم ايه بس صلوا على النبي”